Constitution and By-law of Zomi Innkuan Washington D.C Area (Amendment II)

 Article I. Kipawlna Min (Name of the Organization)

Kipawlna min pen  "Zomi Innkuan Washington D.C" ahih kei leh  "Zomi Innkuan Washington D.C Area" kici ding hi. Atom in “Zomi D.C” or "ZIDC" ahih kei leh "Zomi D.C Area" kici ding hi. Kipawlna min pen English in “Zomi Community Washington D.C Area” kici ding hi.

Article II. Kipawlna Phualpi (Headquarter)

Kipawlna Phualpi pen Washington D.C, Maryland leh Virginia state sung hi ding hi.

Article III. Kipawlna gam huam (Areas of the Organization)

Kipawlna gam huam pen D.C Area sungaa om state “3” te ahi Washington D.C, Maryland, Virginia te hi ding hi.

Article IV. Kipawlna Ngimna leh Tupna Bulpite (Aims and Objectives)

1.    I minam min “Zomi” thupi sakin pahtawi ding

2.    Zongeina, Zopau, Zolai kemcing in thupi sak ding

3.    Pawl tuamtuam, nam tuamtuam cih kikhen loin Zomi sungah pumkhat suaka, nasepkhop theih nading

4.    Nopna Dahna ah kiuap, kikhual ding

5.    U.S.A leh leitung gambup Zomi innkuan tuamtuamte tawh kizom in, I minam, I Zogam, Pasian gam khantoh nading semkhawm ding

6.    I gam i minam a puah ding Zomi siamsin khangsawnte pantah in huh theih nading

Article V. Kipawlna Dinzia leh Thu meilet te (Motives and Policies)

1.    Hih kipawlna in biakna pawlpi leh (nai-ngan-zi) political party kipawlna hi lo a, minam kipawlna hi ding hi.

2.    Hih kipawlna in D.C area sung aom Zomite nopna leh dahna ah a makaih ding kipawlna hi ding hi.

3.    Kipawlna sungah aituam vai kilutpih thei loin mipite leh minam ading sepkhiatna hi ding hi.

Article VI. Kipawlna thu bulphuh te (Mottos of the Organization)

1.    Kipawlna ii thu bulphuh pen “ Zomi sungah innkuan khat i hi hi” cih hi ding hi.

2.    Lai siangtho bulphuh pen Late 33:12 “Topa pen Pasian a, a nei.. minam in thupha ngah minam a hi hi” cih hi ding hi.

Article VII. Kipawlna ii ciaptehna lim (Emblem of the Organization)

Kipawlna ii ciaptehna lim (Logo) pen Vaphual nih kilutuah in a tungah “Zomi Innkuan Washington D.C Area” leh a nuai ah “D.C Area, USA” cih kingelh ding hi. A nung (background) ah Zopuan dum kisuang ding hi.

Article VIII. Kipawlna makai dingte (Qualifications of the Executive Committee)

1.    Kipawlna makai (Executive Committee) te pen U.S gam sungah a tawm pen kum nih aom khinsate hi ding hi.

2.    E.C Makai dingte pen Legal Status a nei te hi ding hi.

Article IX. Kipawlna makaite (Positions of the Organization)

A. Advisory Board

Thu dotpi (Advisors)  te pen Zomi Innkuan D.C Area huam sung pan akilawm Upate kikoih ding hi.

B. Executive Committee (E.C)

1.    Pawl Lutaang (President) - 1

2.    Pawl lutang huh (Vice President) - 1

3.    Thu zeekpi (General Secretary) - 1

4.    Thu zeekpi huh (Assistant General Secretary) - 1

5.    Sum keem (Treasurer) - 1

6.    Sum Keem huh (Asst. Treasurer) - 1

6.    Saziansit (Auditor) – 2

7.    E.C Member – 3 (atawm pen 3)

C. Sub-Committee (Departments)

1. Culture Committee (Department)

            a. Secretary of Culture and Literature

            b. Members

2. Information and Literature Committee

a. Secretary of Information

            b. Members

3. Music & Entertainment Committee (Department)

a. Secretary of Music & Entertainment

            b. Members

4. Sports Committee (Department)

a. Secretary of Sports

            b. Members

5. Fund Raising Committee (Department)

a. Secretary of Fund Raising

            b. Members

5. Genvai Committee (Department)

a. Secretary of Genvai

            b. Members

 **Sub-committee dangdang te zong a hun zui in, a kisam bangin makai atamzaw thukimna tawh kiphuan thei ding hi.

Article X. Kipawlna Thu neihna leh Thu vaihawmna (Powers and Procedures)

1.    Executive Committee (E.C) Makai te pen:

(a)  Zomi D.C a nuntak nadinga, vaihawmna , sepkhiatna khempeuh ah panmun la dingte (Executive Body) ahi hi.

(b)  Zomi D.C Thukhunpi leh Zatdan ngeina (By-law) te a gelh thei dingte (Legislative Body) ahi hi.

(c)  Zomi D.C sungah a kisam banga thukhen thei dingte (Judicial Body) ahi hi.

2.    Thu meilet (By-law) tawh kizui in kipawlna E.C makai a tamzaw thukimna tawh vai kihawm ding hi.

3.    Thu meilet (By-law) sungaa kihel lo thu dangdangte vaihawmna ah mipi a tamzaw thukimna tawh thu kikhensat ding hi.

Article XI. Kipawlna makaipite nasep dingte (Duties and Conducts)

1. Thu dotpi te (Advisors)

1.    Kipawlna khantoh nading leh pawl nasepna te ah advice hong pia thei ding uh hi.

2.    Thu dotpi te in, Makai pi panmun (Executive Power) ngah lo dinga, ahun (term) ciangtan zong neilo ding uh hi.

3.    Kipawlna meeting te ah kah thei ding uh hi.

2. Pawl lutang (President)

4.    Kipawlna i lutaangpi hi ding a, vaihawmna teng ah makaipi sem in meeting sam thei ding hi.

5.    Pawl tawh kisai a sia a pha bawlna khempeuh theihpih dinga, kikhopna (meeting) ah makai in vaihawmna tuamtuamte ah Upa khat hi ding hi.

6.    Kipawlna thu vaihawmna leh thu khensatnate ah Thuzeekpi tawh min thuh khawm ding hi.

7.    Kipawlna nasep apanpih zoden leh pawl ading, adiing ngam, a sem ngam khat hi ding hi.

8.    Pawl nasepnate vaan zeel in pawldangte tawh kizopna, pawl khantoh nading a sempi pen hi ding hi.

3. Pawl lutaanghuh (Vice President)

1.    Pawl lutaang ii nasepna panpih in, Pawl lutaang aom loh ciang leh a man loh ciangin Pawl lutaang ii tavuan teng len ding hi.

4. Thu zeekpi (General Secretary)

1.    Thu zeekpi in pawl sung nasepna ah Tanupi sem ding hi.

2.    Kipawlna meeting te ah thu khensatnate ciamteh dingaa, kipawlna ii lai tuamtuamte (records & memberships) te kemcing ding hi.

3.    Kipawlna nasepnate ah Pawl lutang tawh min thuh khawm dinga, thu kizaksakna, sapna leh lai tuamtuam te gel in hawmkhia ding hi.

4.    Sub-committee te ii nasep vaan zeel ding hi.

5. Thu zeekpi huh (Assistant General Secretary)

1.    Thu zeekpi ii nasepna huh in seppih ding a, Thu zeekpi aom loh ciang thu zeekpi ii tavuan teng len ding hi.

6. Sum Kem (Treasurer)

1.    Kipawlna sumte kem in sazian tawh koih ding hi.

2.    Kipawlna sumte kipawlna makaite theih loh lungkim loh in zang thei lo, pia thei lo ding hi.

7. Sazinsit te (Auditors)

1.    Kipawlna sum saziante a kisam bangbang sit thei ding hi.

2.    Pawl vante a kim leh a kim lo sazian sit ding hi.

8. Sub-Committee (Departments) makaite

1. Secretary of Culture

1.    E.C makaite sung pan kiseh ding hi.

2.    Zongeina lam lahna, lamsinnate ah makai sem ding hi.

3.    Pawl khat leh pawl khat kilawmtatna aom ciang hong makai ding hi.

2. Secretary of Information and Literature

1.    E.C makaite sung pan kiseh ding hi.

2.    Kipawlna min tawh thu kizaksakna, laibu bawlna, laihawmna te ah hong makai ding hi.

3. Secretary of Music & Entertainment

1.    E.C makaite sung pan kiseh ding hi.

2.    Kipawlna ii kikhopna, pawi bawlna aom ciang la leh music lam hong makaih ding hi.

4. Secretary of Sports

1.    E.C makaite sung pan kiseh ding hi.

2.    Kipawlna tawh kisai kimawlna atuamtuamte leh pinic te aom ciang makai sem ding hi.

5. Secretary of Fund Raising

1.    E.C makaite sung pan kiseh ding hi.

2.    Kipawlna ii Fund zonna te ah hong makai ding hi.

5. Secretary of Genvai

1.    E.C makaite sung pan kiseh ding hi.

2.    Kipawlna ii Fund zonna te ah hong makai ding hi.

**Sub-committee dangdang te zong a hun zui in, a kisam bangin makai atamzaw thukimna tawh kiphuan thei ding hi.

9. Sub-committee members

1. Sub-Committee members te pen Zomi Innkuan D.C Area huam sung pan a kilawm te kiseh ding hi.

2. Sub-committee Secretaries te ii nasep akisam bangbang in panpih ding uh hi.

Article XII. Kipawlna Pawlmi (Membership)

1.    Zomi Innkuan D.C Area huam sung ateeng “Zomi a kici khempeuh” member in kiciamteh ding hi.

Article XIII. Kitelna (Election) leh Makai dinmun

1.    Kitelna pen kumnih ciang khatvei ta kinei ding hi.

2.    Kum nih pen term khat in kikoih ding a, makai khat in panmun khat ah a kizom in term nih ciang bek sem thei ding hi. A hih hangin panmun dangte ah kitel kik thei ding hi.

3.    Kitelna ah Zomi Innkuan D.C Area huam sung ateeng Zomi a kici khempeuh sungpan kum 18 a cing khinsate in Mee Tang (vote) pia thei dinguh hi.

4.    Makai khat D.C area sung pan a paikhia or panmun pan atawp, a kikhawl sak aom leh E.C member a tamzaw thukimna tawh panmun kibehlap thei ding hi.

5. Kipawlna makai khat in Kipawlna By-law siik san aa na hong sem in Kipawlna hong langpan leh E.C pan Warning kipia dinga, a nih veina hong tat lai tei tei leh E.C a tamzaw thu kimna tawh panmun pan kikhawl sak thei ding hi.

Article XIV . Sum vai (Finance)

A. Sum ngah nading

1.    Zomi Innkuan D.C Area huam sungah a hun zui in Fund a kisam bangbang in E.C te makaihna tawh Fund kizong ding hi.

B. Sum zatkhiatna

1. Kipawlna sum pen Kipawlna ii vaihawmna thu leh la te ah kizangkhia thei ding hi.

Article XV. Kum khat sung kalsuanzia (Convening of Celebrations and Gatherings)

1.    Zongeina Khuadopawi pen Zomi Innkuan D.C makaihna tawh kum sim kibawl ding hi.

2.    Zongeina leh Zomite tawh kisai pawi tuamtuamte a hun zui in kibawl ding hi.

Article XVI. Kipawlna suahni leh Kum Cin kikhop (Organization’s Birthday and Anniversary)

Zomi Innkuan D.C suah ni leh hong piankhiat ni pen November 22, 2001 ni hi a, kum cin kikhop pen Zongeina Khuadopawi tawh kum sim in kibawlkhawm den ding hi.

Article XVII. Kipsaknate (Bills)

1. Hih amasa pen Zomi Innkuan D.C Area ii Constitution leh By-law pen June 25, 2005 ni Zomi Innkuan D.C Area kikhopna mipi mai ah kisimkhia in mipite thu kimna tawh kikipsak in kizang pah hi.

2. A khat veina puahphatna leh behlapna (Amendment I) pen June 27, 2007 ni in kikip sakin kizang pah hi.

3. A nih veina puahphatna leh behlapna (Amendment II) pen August 4 ni in egroup tung tawn in mipite tung kikhahkhia aa, September 4 ni in kikipsak in kizang pah hi.

Article XVIII. Puahphatna leh Behlapna (Amendments)

1. Zomi Innkuan D.C Area Constitution leh By-law puahphatna leh behlapna (Amendments) khat peuh peuh aom leh makai atamzaw thu kimna tawh kibehlap thei ding hi. Behlapna (Amendment) a kigeelkhiat khit ciang mipite ettheih, sim theih dingin egroup sung kikhahkhia ding hi. Mipi te sung pan puahphatnop leh behlapnop aom leh kha khat sung hun kipia ding hi. Khakhat a cin zawh ciang “Proposed Amendments” teng pen kip in kizang pah ding hi.

2. Puahphatna leh Behlapna (Amendments) ciaptehna

   1. Amendment I (June 27, 2007)

   2. Amendmet II (August 4, 2012)