Home | News Achieves | About Us | Contact Us  | Links | Membership | Guestbook  | Interviews

 

 
 

   Wednesday, 23. December 2015 08:26 AM -0500

 

 

     

 

 

Zomi D.C Contacts

Zomi D.C Emails & Phone No:
zomidc@yahoo.com
zomidc@yahoogroup.com

www.facebook.com/zomidc

www.youtube.com/zomidc


Cheif Editor & website creator(webmaster):
Thomas On Sian Mung
Tel: 1-443-854-8905

osmung@yahoo.com

President:
Pa Tual Mung

tualmung@gmail.com

Tel: 301-633-7239

General Secretary:
Pa Thomas On S. Mung

osmung@gmail.com

Tel: 443-854-8905



  

Zomi Innkuan Washington D.C or Zomi Innkuan Washington D.C Area

Hong piankhiatna tangthu (history)

        

                                            Photo: Zomi Innkuan D.C group, 2003 Zomi Namni

Zomi Innkuan i cih bang hiam?           

        Innkuan (family) sungah aom family member te in khat leh khat ki it ki ngai in na sem khawm diam diam a, nop na dahna aom ciang kinop pih kidah pih uh hi. Innkuan sung ki it kilem zawh ciang, i minam aading na kisem thei pan a, a masa pen in i innkuan sung teng i nop sak masak ding kisam masa pen hi. Tua tawh ki bangin Washington D.C kiim aom Zomite pen innkuan khat sung i hih mah bangin nopna dahna ah kihuh diamdiam ding leh khat leh khat itna khang semsem in i minam aading nasep khop theih ding ngimna tawh Zomi Innkuan D.C kipawlna a kiphuankhia a hi hi. Tuaciang in Innkuan i cih in "Community" i cih tawh kibang a, mikang lai in "Zomi Community, D.C " zong kici thei hi.

Zomi Innkuan D.C Area kipat khiatna         

           Pasian hong makaihna tawh USA Zomi Innkuan D.C or Zomi Innkuan D.C Area hong piankhiat zawh kum 14 sung hong lut ta hi. Zomi Innkuan D.C or Zomi Innkuan D.C Area hong piankhiatna en kik leng, Zomite USA gam i tun zawh a sau vei hangin I nam sungah dahna nopna kiuap nading kipawlna kician kum 2000 ciang kinei nai lo hi. A diak diak in Washington D.C area (MD, D.C, V.A) ah Zomi min tawh kipawlna khat neih ciat dingin lunggulhna kinei tek hi. Kawlgam leh gam tuamtuam pan Zomite Washington D.C area hong zawn ciat uh a, Zomite hong tam tektek hi. 2001 kum sungin, Zomi sung pan makai pawl khat te in Zomi min tawh kipawl khopna neih ding thu kikupna kinei to to a, kipawlna neih ding ki thu kim tek hi.
             2001 November kha 17 ni in Pa Thang Lian Pau (Zo Taang Innpi) ah Khuadopawi leh Zomi Khawmpi kibawl a, tualai ah hong kihel Zomibup thu kimna tawh "Zomi Innkuan Washington D.C" or "Zomi Innkuan D.C Area" kiphuankhia in panmun sehna kinei hi.
            Zomi Innkuan D.C Area kiphuh kum panmun len makaite a nuai a bang a hi hi.
Chairman - Pu Dr. Vum Son
Vice Chairman - Pu Kham Go Pau
Secretary   - Pu Ngo CinThawng
Asst. Secy. - Pu Thang Lian Pau
Treausurer   - Pu Khai Khan Dal(Dal San)
                   - Tg. Thang Khan Tuang (Tuang Sukte)
Auditor        - Tg. Tawng Cin Khai
                  - Pa Nang Sian Thang
Executive members - Thomas On Sian Mung(Youth Dept.)
                            - Pa Pau Za Lian (Biakna lam)
                            - Pa Thang Khan Piang (Biakna lam

            Zomi Innkuan D.C makaihna tawh kikhop kha khat, khat vei neih ding thu kimna aom mah bangin tu ni ciang dong kikhopna kizom suak hi. Kum sim in Zo ngeina khuadopawi zong nuam takin kibawl suak thei hi. Zomi Innkuan D.C member pih khat ii innkuan sungah dahna a tun ciang leh zato hong lup ciangin Zomi Innkuan D.C in huhna sum ciantan in kipia hi.
                   2003 kum in Yangon Zomi Momno Kipawlna pan Tansawm ah Distinction ngah te pahtawina piak nadingin Zomi Innkuan D.C in sponsor kipia thei hi. 2003 kum sung mah in Zomi Innkuan D.C makaite leh CNF pan makaite kiho limna nih vei kinei a, kiholimna tungtawn in CNF te in Zogam sungah a tatsiatna te hong khawl pah uh a, tuciang dong hong kawlsuak uh hi.
            Tua bek tham loin kum sim Zomi(Chinbup) makaihna tawh a kibawl den Zomi namni ah Zomi Innkuan D.C in Zongeina lam tuamtuam leh Fashion show lahna kinei thei den bek tham loin Zomi D.C lasa siamte in kum sim in Zongeina la sakna tawh zong kihel thei den hi. 2005 kum January 1 ni in Dr. Vum Son inn ah Zomi Innkuan D.C khawmpi leh kum thak dawnna kinei ah tualai ah 2005 kum ai ding panmun kisehna leh mailam hun kalsuanzia ding thu kikupna kinei thei hi. Zomi Innkuan D.C ii thu meilet(By-law) zong ngelh ding kiken sat hi.
                  2005, March kha 26 ni in Florida Zomi Innkuan makaihna tawh USA gambup Zomi khawmpi kinei a, Zomi Innkuan tuamtuam pan delegate te tampi kah thei in "Zomi Innkuan (USA)" phuankhia hi. Zomi Innkuan D.C pan delegate(palai) ding in Chairman pa Pa Ngo Cin Thawng leh Tg. Thomas On Sian Mungte va kihel thei uh hi. A nih veina Zomi Khawmpi pen Tulsa, Oklahoma ah kinei a, tualai ah Zomi Innkuan D.C taangin  Pu Vumson, Pa Ngo Cin Thawng, Tg. Dong Khan Khup leh Lia Ciin Ngaih Lunte vakah thei uh hi. Tualai ah Zomi Innkuan U.S.A Contitution leh By-law ngelh ding kipan thei uh hi.

                   2005 April kha in  www.zomidc.org website kibawl thei aa (E.C member/Lailam makai Tg. Thomas Mung ii hong hanciamna tawh), leitungbup ah thu tuam tuam leh Zomi D.C nasepna tuamtuam kikhah khia thei in tuciang dong mah kikalsuan to to zo hi. Zomi Innkuan D.C makaihna tawh Newsletter zong kihawmkhia zo hi.  Zomi Innkuan D.C sung pan khangno te vaihawmna tawh Zomi D.C Soccer Club zong December 31, 2005 ni kiphuankhia zo hi.  2005 sung Zomi Innkuan D.C nasepna (Annual report by Secretary) te http://www.zomidc.org/report2005.htm ah zong a cing in kien thei hi.
                  Zomi D.C sung music siam khangno te vaihawmna tawh "Zomi D.C Music Band" kiphuankhia a, tualai ah Lead - Zen Lian, Rhythm - Ving Thang, Keyboard - Mangpu, Drum - Khup Sian Lian, Bass - Nangpu te a hi uh hi. Zomi D.C Music band in kum sim in Zomi Namni leh Khuadopawi te ah Zomi D.C taangin music tum den uh hi.

                 Zomi Innkuan D.C sung sihna leh dahna hong tun ciang, Zomi Innkuan D.C in a nuai aa bang in kipanpih hi.

  1. Zomi Innkuan D.C Advisor Pu Vumson Suantak in September 19, 2005 ni in hong nusiat ciang Zomi D.C in thu leh la ah kivaihawm pih bek thamlo in, Pu Vumson phawkna "memorial webpage" http://www.zomidc.org/vumson.htm kibawl hi.

  2. Siapi A. Ngen Za Dal memorial service pen September 8, 2007 ni in kibawl a, tualai ah Zomi Innkuan D.C in nasia takin panpih hi. http://www.zomidc.org/news2007.htm

  3. Zomi Innkuan D.C member Tg. Peter Thian Mung in March 15, 2008 ni in hong nusiat ciang Zomi D.C in $ 1000 tawh kisiat veh aa, thu leh la kivaihawmpih, kitutpih hi. http://www.zomidc.org/news2008.htm

  4. Zomi D.C Member te sung pan immediate family (Nu leh Pa, Ta te, Zi leh Pasal taktak) te in hong nutsiat leh $ 100 tawh siatvehna kinei hi.

  5. Zomi D.C Advisor Pu Ngo Nang in December 30, 2008 ni in hong nutsiat ciang Zomi D.C in $ 1000 tawh kisiat veh aa, kitutpih hi. http://www.zomidc.org/news2008.htm

                zomlai ding.....................     

 

Photo: Zomi Innkuan D.C Khuadopawi, 2004

                       

Use Advanced Search

 

 

 

 

 

 

 

Homeprepaid phone cards |prepaid phone cardsNews Achieves |About Us |Contact Us  |Links|Membership |Guestbook  |Interviews

Copy Right   2005-2014. All rights reserved.
Published by Zomi Innkuan Washington D.C, USA

webmaster@zomidc.org