Zomi Innkuan D.C Advisor Pu Ngo Nang in hong nusia

 

         Zomi Innkuan D.C ii thudotpi a hi Pu Ngo Nang (Lam Mangpi a sem ngei ) in Dec 30 ni tak 9:30 p.m hun in a om na inn pan leitung hong nusia in tawntung om nading Pasian kiang hong zuatsan ta hi. Pu Ngo Nang pen Minam it mahmah khat hi a, Zomi Innkuan D.C nasepna te ah Advisor mun pan tha hat takin hong panpih khat a hi hi. Pu Ngo Nang hong nutsiat na pen Zomite aading sup napi khat a hi hi.

A nusiat a innkuan pih te ,
A zi Pi Thang Khua Huai ( Maryland ,USA )

A tate ,
Nu HungBawi ( Malaysia )
Nu Neam Khan Dim  ( West Virginia,USA )
Pa Khai Cin Pau ,Realtor  ( Maryland, USA )
Nu Cing Thian ( Maryland ,USA )
Nu Zam Te ( Malaysia )
Pa Hungh Khan Cin ( Maryland ,USA)

Memorial & Funeral Service

Saturday, January 3rd, 2008

Visitation:- 11:00a.m-12:30p.m

Worship Service:- 12:30p.m-2:30p.m.

Where:- LYNFIELD EVENT COMPLEX

            10142 Hansonville Road

            Frederick, MD 21702.

 

Fellowship Dinner:- 4:00p.m-6:00p.m

Where:- LYNFIELD EVENT COMPLEX

            10142 Hansonville Road

            Frederick, MD 21702.

Pasian in a om lai a innkuanpih te hehnepna hong piak sak ta hen.

Video Links: Ka Taangthu by Pu Ngo Nang

Zomi D.C News Group

Zomi Innkuan D.C sung Kitenna

  

           Zomi Innkuan D.C huam sung Baltimore a, ateng Tg. Awi sawm Pau (Pu Khai Za Dal & Pi Niang Khen Langh tapa) leh Lia Gin Sian Vung (Pu Gin Za Cin & Pi Cing Khaw Man te Tanu) te Mopawi pen December 27, 2008 ni in Hope Presbyterian Church, Baltimore. ,Maryland ah nasia takin kibawl a, tualai ah sak leh khang pen Zomi tampi ten vamuak thei uh hi. Tua kitenna ah Rev. Zam Khat Kham in hong makaih a, Zomi sung pan Lasa siam ten zong Zola ngaih mahmah te tawh Pahtawina hong nei uh hi. Hun man ciangin innteek lam pan Zo an, Mang an lim mahmah tawh vak uh a, nuam kisa mahmah hi. Tg. Sawm Pau leh Lia Vunghoih te ki it takin khantawn kalsuan zo den ta hen!

Zomi D.C News Group

To view more wedding photos, visit at:  http://picasaweb. google.com/ osmung/SawmPauVu nghoihWedding#

Zomi D.C News Group

D.C Area Zomite Mopawi

  

           Zomi Innkuan D.C Kipawlna ii Advisor khat a hi Pu Ngo Nang ii Tapa neu pen Tg. Hungh Khan Cin leh Dr. Pau Za Nang ii Tanu Lia Mang Hau Cing te pumkhat suahna Mopawi pen November 22, 2008 ni in Sizang Burmese Mission Church, Potomac, Maryland ah nasia tak leh Picing tak in kibawl aa, tualai ah Zomi laizom tampi leh sak leh khang pan mi tampi te in va muak thei uh hi. Tualai ah Rev. Dr. James Sing Za Khai in Pumkhat suahna hong neih sak a, Kawlgam Yangon pan Zomi te muan leh suan a hi Pu Tual Khaw Mang zong hong kihel thei in Nupa thak te aading hanthotna hong nei thei a, zaknop kisa mahmah hi. Hun man ciangin hong pai mipi te Tyson Buffet ansai ah an nam kim tawh vak ziahziah uh hi. Nupa thak a hi Tg. Hungh Khan Cin leh Lia Mang Hau Cing te itna khantawn kho in innkuan nuam suah nading Topa in thupha hong piak sak ta hen.

To view more wedding photos, visit at : http://picasaweb.google.com/thawngnoaroma/HunghpuiMangnuSWedding#

Zomi D.C News Group

Zomi D.C Khuado pawi 2008

           Zomi Innkuan D.C makaihna tawh 2008 kum Zo ngeina khuado pawi pen October 26 ni in St. Stephen Lutheran Church, Baltimore, Maryland ah nasia takin kibawl a, tualai ah Zomi laizom tampi hong kihel thei hi. Tualai ah Zo ngeina Khuadopawi thu genna, Zomi Lasa siam ten la sakna kinei ziahziah a, nuam kisa mahmah hi. Zomi D.C Music Band in zong a siamna uh lak ziahziah aa nopci kisa mahmah hi.Hun man ciang in Zo ngeina lam vui tawh kilam ziahziah a, tua zawh ciang Zo ngeina an te kine ziahziah in nuam kisa mahmah hi. Zomi ten i tun tun na ah i Zo ngeina te kem cing in, Zo ngeina Khuado Pawi zong i om na ciat ah i bawl zawh den ding thupi mahmah hi. 

View Khuado Pawi 2008 photos at: http://picasaweb.google.com/osmung/ZomiDCKhuadopawi2008#

Khuado pawi Video link : http://www.youtube.com/watch?v=z3t0uuUhp3g

Zomi D.C News Group

Pa Khup Sian Lian's Graduation Ceremony

   

           Pasian in Zomite hong lap sang na tawh, Rev. Mang Cin Thang leh Nu Cing Khan Mang (Daw Than Nyunt) te tapa,  Zomi Innkuan D.C Secretary ahi Pa Khup Sian Lian in June 28, 2008 ni in Strayer University, Virginia pan in Bachelor of Science in Business Administration degree hong la thei a hih manin Zomi a kua ma peuh in kilungdampih mahmah hi. Graduation Ceremony pen Patriot Center, Fairfax, Virginia ah nasia takin kibawl a, Zomi Laizom tampi in zong vamuak thei uh hi. Hi bangin Zomi Innkuan D.C Secretary pi pa in gualzawhna hong ngah thei a hih manin Zomi Innkuan D.C Kipawlna in zong kiangtanpih mahmah hi. Pa Khup Sian Lian pen Zomi D.C huam sungah Business nasepna ah Pasian in thupha hong pia in Zomite hong tawisang khat a hi hi. Nasep kawm mah in sang mah kah to to aa, tu in gawlzawhna limci mahmah hong ngah khia a hi hi. Pasian in Pilna lam ah hong gualzawhpihna tawh tu kum sungin Zomi Innkuan D.C huam sung pan Degree ah 4 bang ki om thei a hih manin, Topa min phat hang.

Visit graduation Photos at: http://picasaweb.google.com/osmung/Khup_Sian_LianSGraduationPhotos

More info: View Zomi D.C degree holders at : www.zomidc.org/degreeaward.htm

Zomi D.C News Group

Dr. Hauzacin Suante D.C ah hong hawh

      

              Zomite hong lamsang leh Zomite sung pan Chemistry tawh Ph.D hong ngah masa pen Dr. Hauzacin Suante Zomite omna Washington D.C hong hawh aa, Zomite makaih pawlpi tuamtuamte leh Zomi Innkuan D.C makaite tawh kimu thei hi. Dr. Cin pen Taiwan gam ah kum nih sung research pawl in na a sep zawh ciang USA gam hong hawh a hi hi. Dr. Cin pen minam it mahmah khat leh Zomite hong lamsang khat a hi hi.

Zomi D.C News Group

Lia Ciin Ngaih Lun's Graduation Ceremony

              Zomi Innkuan D.C huam sunga om Zomite Pasian in thupha hong pia in Pilna lam ah hong lamsang to sem sem hi. Tu in zong Zomi D.C member sungpan Degree ngah Numei khat kibehlap leu leu hi.  Siapi Ngen Za Dal (late) leh Nu Dim Khan Niang Tanu, Zomi Innkuan D.C Chairman Tg. Dong Khan Khup leh Zomi D.C webmaster Tg. Thomas On Sian Mung te ii Sanggamnu, Zomi Innkuan D.C memberpih  Lia Ciin Ngaih Lun in May 31, 2008 ni in Community College of Baltimore County (CCBC), Maryland pan in Associate of Science in Accounting degree hong la thei a hih manin Zomi a kua ma peuh in kilungdampih mahmah hi. Graduation Ceremony pen CCBC sang sung ah nasia takin kibawl a, Zomi Laizom tampi in zong vamuak thei uh hi. Lia Ciin Ngaih Lun pen Zomi Innkuan D.C Numei sungpan Accounting tawh degree (Buaih) ngah masa pen a hi hi.  Zomi Numeite zong Pasian in thupha hongpia aa, Zomi numei sungpan Pilna lam sang pi pi a ngah tampi i om ta hi. Zomite in Numei te zong lamsang in i pahtawi ciat ding thupi mahmah hi.

Visit graduation Photos at: http://picasaweb.google.com/osmung/Lun_graduation_photos

More info: View Zomi D.C degree holders at : www.zomidc.org/degreeaward.htm

Zomi D.C News Group

Tg. Thang En Thawn (Thawn)'s Graduation Ceremony

              Zomite Pasian in thupha hong piakna tawh Pa Sian Khan Pau leh Nu Man Khan Vung te Tapa, Zomi Innkuan D.C memberpih  Tg. Thang En Thawn (Thawn) in May 22, 2008 ni in University of Maryland, Baltimore County pan in Bachelor of Science in Mechanical Engineering degree hong la thei a hih manin Zomi a kua ma peuh in kilungdampih mahmah hi. Graduation Ceremony pen Baltimore Downtown sung aom 1st Marina Arena ah nasia takin kibawl a, Zomi Laizom tampi in zong vamuak thei uh hi. Tg. Thang En Thawn in 2005 kum in Frederick Community College pan Associate of Science in Engineering hong lak khit ciang a sang zomto aa tu in Bachelor of Science in Mechanical Engineering degree hong la thei a hi hi. Zomite koi koi i tung zong in i biak Pasian in thupha hong pia aa, Zomi Innkuan D.C sung pan zong tu kum 2008 sung Degree ngah nih bang hong om aa, mai kha ciang zong khat om leuleu ding hi. USA gam sung tung Zomi Khangno tampi zong field tuamtuam ah Sang te hong kah thei uh a, mailam Zomi, Zogam a zun ding khangsawn mipil tampi hong piang khia ding ahih manin Topa min phat ciat ni.

Visit graduation Photos at: http://picasaweb.google.com/osmung/Thawn_graduation_photos

More info: View Zomi D.C degree holders at : www.zomidc.org/degreeaward.htm

Zomi D.C News Group

Tg. Thang Za Mung (Mungpi)'s Graduation Ceremony

              Topa hong panpihna tawh Zomi Innkuan D.C memberpih Tg. Thang Za Mung (Mungpi) in May 16, 2008 ni in University of Maryland, Baltimore pan in Bachelor of Science in Nursing degree hong la thei a hih manin Zomi a kua ma peuh in kilungdampih mahmah hi. Graduation Ceremony pen Baltimore Downtown sung aom 1st Marina Arena ah nasia takin kibawl a, Zomi Laizom tampi in zong vamuak thei uh hi. Tg. Thang Za Mung in Howard Community College pan Associate degree in Nursing hong ngah zawh ciang Bachelor hong zom to a, tu in picing takin Bahelor Degree hong ngah thei a hi hi. USA gam sunga om Zomite sung pan Bachelor of Nursing a ngah masa pen lam hi ding hi. Tg. Mungpi in Medical Doctor zong zop to suak ding lunggulhna leh vaihawmna nei a hih manin Zomi te aading angtanhuai mahmah hi. Zomite in Pilna mah thupi sak in khangno ten pilna i sin ciat ding thupi mah mah hi.

Visit Mungpi's graduation Photos at: http://picasaweb.google.com/osmung/Mungpi_graduation_photos

More info: View Zomi D.C degree holders at : www.zomidc.org/degreeaward.htm

Zomi D.C News Group

UK pan  Zolia khat in Ph.D Ngah

              Pasian in Zomi te  thupha hong pia in Secular lam tawh Leitungbup University te pan Ph.D ngah ki om to to ta hi. 2007 kum sung in Singapore gam a teeng Major. S. Khup Chin Pau (Rtd.) leh Nu Man Lam Cing te Tanu neu pen Lia Kham Man Niang in University of  Southampton, UK pan in Ph.D in Electronics and Electrical Engineering hong ngah a hih man in Zomi bup in kilungdampih mahmah hi. Dr. Niang ii thu te pen a huai aa bang hi.

Education Background:

Tan 10: S.H.S.(2) Hlaing township, Yangon, Myanmar (1988); passed with 5-D (distinctions),

Diploma in Electronics and communication engineering (1996), Singapore Polytechnics, Singapore,

B. Eng. in Electronics and Electrical Engineering (1^st Class Honours), University of Southampton, UK(2003), and

Ph.D. in  Electronics and Electrical Engineering, University of Southampton, UK(2007).

 

Career:

1996-2001 sung Process Engineer in Hitachi Nippon Steel Semiconductor Pte Ltd, Singapore ah sem hi.

Ph.D a man khit teh, London aa Company khat ah, Engineer na sem in tulai tak East London ah om hi. 

Hih bang in Pasian in  ZOMI te sung ah Mipil khat hong piak beh man in lungdam huai leh tha ngah huai mahmah hi. Tulai tak UK gam sung a om ZOMI te lak ah Dr. min ngah 4 bang ki om ta a, tua teng pen :

1)     1. Dr. Gin Khan Khual

2)     2. Dr. Cing Hau Ciin

3)     3. Dr. Kham Man Niang

4)     4. Dr. Pau Mung    te a hi uh hi.

Pasian in i Mipil te thupha hong piak sak hen la, ZOGAM a zun a puah zo ding in hong zat sak lai ta hen. Lungdam!

 

Thu puak,

Suan Tawng

UK

--------------

News Distributed and Edited by

Zomi D.C News Group

More info: View Zomi Ph.D holders at : www.zomidc.org/degreeaward.htm

 

      

 

 

Lia leh Taang te Mopawi D.C Area ah

           Zomi Innkuan D.C kipawlna ii Auditor pi a hi Tg. Cin Do Khup leh Lia Kam Dim Khai te ii Pum khat suahna, kitenna Mopawi pen April 26, 2008 ni in Pa Khai Cin Pau te inn, Frederick, Maryland ah nasia takin kibawl aa, tualai ah D.C area kiim pan mi 200 bang in hong muak thei uh hi. Kiteelna pawi ah Hun uk Zomi D.C Chairman pa Tg. Dong Khan Khup in sem a, kiteelna leh hanthotna pen SBMC Pawlpi kem Pastor Rev. Dr. James Sing Za Khai in hong makai hi. Tua bek tham lo in Kawlgam pan Evangelical Baptist School of Mission Sang ii Principal a hi Dr. Pau Cin Khai zong hong kihel thei a, Nupa thak te aading thu ngetna hong neih sak thei hi.  Hun man ciangin Zo an, Mang an kine ziah ziah aa, lim kisa mahmah hi. Hi bangin Zomi Lia leh Taangte khat leh khat hong kiten ciangin i minam aading phat tuamna leh i minam kepcinna, minam it kilahna a hih manin Zomi Lia leh Taang te zong koi koi ah i tung zong in i minam sung mah i kiten, i ki it ding thupi mahmah hi. Tg. Khup leh Lia Dim te ki itna khantawn in kip den ta hen.

Zomi D.C News Group

Mopawi photos : http://picasaweb.google.com/thawngnoaroma/CinDoKhup

 

 

 

 

    

Photo: ZCCC ah Siapan hun hong zat lai tak

Dr. Tung Za Pau D.C Area ah hong zin

         Zomite sung pan Pasian zat minthang leh minam hong tawisang Rev. Dr. Tung Za Pau leh a zi Siamah Don Ngaih Lian te nupa in Zomite omna D.C Area ah hong zin kawi kawi uh aa, Zomite makaih Pawlpi tuamtuam ah hanthotna hong pia thei uh in, tha kingah mahmah hi. Siapa te nupa in April 13, 2008 ni Sunday ni in, Zomite makaih Pawlpi te a hi Sizang Burmese Mission Church, Zomi Christian Community Church, Evangelical Baptist Church te ah hun hong zang kawi kawi uh a, Zomi laizom te tha hong pia thei uh hi. Rev. Dr. Tung Za Pau in United Theological Seminary, Dayton, Ohio Sang pan June, 2007 ni in Doctor of Missiology (D. Miss) hong la thei hi. Tulai tak in Eldorado United Methodist Church Pawlpi ah Senior Pastor a sep lai tak hi a, Zomite sung pan Mikangte Pawlpi ah Senior Pastor a sem masa lam a hih man in Pasian min phat hang.

Zomi D.C News Group,

Zomi D.C pan Dahpihna pulaakna

          Zomi Innkuan D.C memberpih ahi, Baltimore, Maryland aa ateng Tg. Pau Sian Piang ii Pianna Zua Pa, Nu Kam Khan Cing ii Pasal Pu Hau Khua Mang (Kum 74) in upmawh lopi in April 10 ni in Yangon khuapi pan a it a innkuanpihte leh mipih te hong nusia in Vangam ah hong pai san hi. Pu Hau Khua Mang pen Tedim gam Gam Ngai khua ah suak aa, Zogam leh mun tuamtuam ah Sang sia sauvei pi tak sem in i minam aading leh i gam aading Khangsawn mipil tampi hong pantah Siapa a hi hi. B.E.H.S 2, Tedim ah zong Highschool sangsia sauvei pi tak sem hi. Sia Hau Khua mang ii luanghawm pen April 14, 2008 ni in Yewei Han, Yangon ah kivui ding hi. Hi bangin Sia Hau Khua Mang in hong nutsiat vat hangin Lawm Piang te innkuanpih tawh kibangin Zomi Innkuan D.C in zong kidahpih mahmah hi. A om lai innkuanpih te Topa in hehnepna pia ta hen.

Information Department

Zomi Innkuan Washington D.C

Zomi Christian Community Church (ZCCC) Pawlpi D.C Area ah kiphut khia

          Zomi ten i pau i lai tawh Biakna kideidan lo in Pasian biakpiak khop nading leh kipumkhat in i minam zun zawh nading lunggulh na tawh U.S.A gam Washington D.C kiim aa om Zomi pawl khat te in "Zomi Christian Community Church (ZCCC)" pawlpi phut khia uh aa, Zopau tawh Pasian biakpiakna kipan khia uh hi. ZCCC pen October 2007 pan kipan in kikhopna a kibawl to to hi a, March 23, 2008 ni in Upa kitelna kinei in Upa leh makai te ki aapna kinei hi. Tua ni mah in New York khua, Columbia University ah Ph. D kah Sia Hang Do Lian in Pawlpi Upa leh Pawlpi aapna special thu ngetna hong neih sak in hanthotna zong hong nei suak pah aa, tha kingah mahmah hi.

          Pasian hong panpihna tawh Zomi Innkuan Washington D.C huam sungah Zomite makaih pawlpi thum kiom ta aa, tua teng pen Evangelical Baptist Church (EBC), Sizang Burmese Mission Church (SBMC) leh Zomi Christian Community Church (ZCCC) te a hi hi. ZCCC in mailam ah Pawlpi tuamtuam leh kipawlna tuamtuam te tawh khut kilen in Pasian gam zai nading, minam khantoh nading sep khiat ding lunggulhna kinei hi. Tulai tak in kikhopna pen Baltimore area kiim ah kinei aa, Biakinn a kizon lai tak a hi hi. ZCCC pawlpi tawh kisai contact nuam i om leh a nuai aa makai te ki contact thei hi.

Upa Dong Khan Khup  - 443 629 3329, dkhup@aol.com

Upa Thang Lian         - 443 285 9758, thanglianriver@yahoo.com

Upa Thang Za Mung   - 240 515 4421, mungt@msn.com

 

News distributed by

Zomi D.C News group

Medical Doctor suak Zomi

          Zomi Innkuan D.C Chairman pa Tg. Dong Khan Khup leh Zomi D.C webmater Tg. Thomas On Sian Mung, Florida Zomi Innkuan, Literature and Culture Secretary Tg. Tawng Cin Khai te ii Sanggampa, Siapi Ngen Za Dal (late) leh Nu Dim Khan Niangte tapa Tg. Pau Sian Lian in March 28, 2008 ni in Yangon Institute of Medicine 2 pan M.B.B.S degree hong la thei a hih manin Zomibup in kilungdampih mahmah hi. Medical Doctor degree ngah mi tampi lak pan a mah bek Zomi kihel aa, Zomite aading angtan huai mahmah hi. Kawlgam ah Tansawm (Matriculation) pan Exam Mark tawh kikhen na hangin Zogam pan Medical doctor suak pen 1980 ??  khit pan kipan in hong tawm mahmah aa, Pasian huhna tawh tu in Medical Doctor hong suak, a kah Zomi khangnote hong om to to ta a hih manin, Zomite aading kipah huai mahmah hi. Tulai takin Kawlgam ah Zomi Sangnaupang Medical Doctor kah lai tak te kiom lai a, Leitung gambup aa om Zomite in sum leh paai tawh a hi zongin, Laibu, laikung tawh a hi zongin i panpih ciat ding thupi mahmah hi.

Zomi D.C News group,

D.C Area

            Zomi Innkuan D.C member khat ahi hong nusia Tg. Peter Thian Mung (Kum 40) ii Funeral Service pen March 22, 2008 (Saturday) ni nitak nai 1:00 pm - 5:00 pm in Lynfield Event Complex, Hansonville Road, Frederick, Maryland ah picing takin kibawl aa, tualai ah mun tuamtuam pan mi 500 kiim bang hong kihel hi. Kipawlna tuamtuam, Pawlpi tuamtuam pan mi tampi hong kihel in picing mahmah hi. Zomi Innkuan D.C pan dahna thu pulaakna, Zomi Innkuan USA, Zomi Innkuan Okalahoma, Florida Zomi Innkuan leh mun tuamtuam pan dahpihna lai te sim khiatnate kinei hi. Australia gam pan Tg. Peter Thian Mung ii sanggamnu Lia Ngin Suan Huai zong cidam takin hong tung thei a, Funeral service ah hong kihel thei hi. Tg. Peter Thian Mung ii luanghawm pen Rest Haven Memorial Gardens han ah kivui hi. A dah, a kap a om lai a sanggam, a innkuan pih te aading thu ngetna tawh panpih ciat ni.

 

View Funeral Photos at : http://picasaweb.google.com/thawngnoaroma/PunoThianMungNiKhakBel

 

 

Zomi Innkuan D.C News Group

D.C Area

            Zomi Innkuan D.C memberpih, USA, Maryland state,  5746 Butterfly lane, Frederick, MD 21703 a teeng Tg. Peter Thian Mung in tu ni March 15, 2008 nai 12:00 noon kiim in a inn pan hong nusia vat a hih manin a innkuanpihte tawh kibang in kidahpih mahmah hi.  Tg. Peter Thian Mung pen Guam tung tawn in USA hong pai a hi hi. A mah pen mi dik mahmah khat leh Pasian it, minam it mahmah khat hi aa, a ma hong nutsiat na pen ei Zomite aading sup na pi khat a hi hi. Funeral Service tawh kisai hong tung ding Saturday, March 22 ni nitak nai 2 pan nai 6 sung bawl ding geelna kinei hi. Funeral Service vai tawh kisai pen a kisam bangbang in Makai ten hong kiza sak to to ding hi.