Thu patna: Zomite Pasian in thupha hong pia in U.S.A gam ah status tuamtuam tawh hong kitung tung ta hi. Hong tung te pawl khat tung pan hamsatna te tung tawn in U.S.A gam sung lut ding ma in i theih ding leh i ken ding thu, van, lai tuamtuam te i theih kholh dingin a nuai aa bangin kong suak sak uh hi.

 

Kawlgam pan peello i ken ding lai te

1. Birth Certificate (Suahna laidal) - Kawl lai Original leh English translation (Notary Public) kisam hi.

A hang (Reason) - Permanent Residence (Green Card) apply ciang kisam hamtang hi. Refugee/Asylum Status ngah zawh Kum 1 zawh ciang Green Card kisiau thei hi.

2. Family Record (Innkuan Sazian) - Kawl lai Original leh English translation (Notary Public) kisam hi.

A hang (Reason) - Innkuanpih a sam nuamte aading kisam ding hi. Refugee/Asylum Status ngah zawh Kum 2 sung Zi or Pasal leh Tate (Kum 21 nuai siah) kisam thei hi.

3. Family Photo (Innkuan Maan) - Innkuanpih a sam nuamte aading kisam ding hi. Refugee/Asylum Status ngah zawh Kum 2 sung Zi or Pasal leh Tate (Kum 21 nuai siah) kisam thei hi.

 

4. Marriage Certificate (Kitenna letmat) -  Kawl lai Original leh English translation (Notary Public) kisam hi.

A hang (Reason) - Green Card Siau na, Zi leh Pasal sapna in kisam hi.

 

4. Driving License - Kawl lai Original leh English translation (Notary Public)

A hang (Reason) - U.S Driving license kisiau (Appy) kik ciang kisam hi.

Kidop ding - Pawl khat te in fake License (a manlo) keng uh a, Kumpi lam pan kithei in ki buai mah mah thei hi. Hi thei leh a maan (real License) laak zawh ding thupi mahmah hi.

5. High School Certificate (Tansawm awng letmat) - Kawl lai Original leh English translation (Notary Public) kisam hi.

A hang (Reason) - College leh University zom nuam, sangkah kik nuam te aading kisam    hamtang hi. Kawlgam Tansawm awng letmat nei kei leng GED (Genearl   Eduation Devolopment) diploma kiphi kik hamtang in hun tampi bei thuah hi.

6. Immunization Record - Natna dal zatui sutna record (Hospital or Clinic pan)

A hang (Reason) - Green Card Siau na, Sangkahna leh mun tuamtuam ah kisam hi.

 

7. School Record for a Child (Sang petna laidal) - Kawl lai Original leh English translation (Notary Public)

Note: Sang kah lai naupangte sang a zop kik nading kisam ding hi.

 

Section II : Innkuanpih, Zi leh Pasal Sap ding.... zom lai ding..

Section III: University/College zom nuamte aading theih huai....zom lai ding..

 

Dot nop leh theih nop a nei te in a nuai ah kidong thei hi.

 

Zomi D.C Online Chief Editor and Webmaster

osmung@yahoo.com, zomidc@yahoo.com

Tel: 1-443-904-7063

 

Related Web Links

 

1. Permanent Residence (Green Card) General Requirements and instructions

2. Petition for Alien Fiance(e) General requirement and instructions (U.S Citzen a suak sa taangval, nungak ten Zi or Pasal bang ci sam ding)

3. How do I bring My Fiance to United States?

4. Petition for Asylum/Refugee Relatives General Requirements and instructions (Asylum/Refugee ngah in U.S.A gam sung aom ten Innkuanpihte bangcih sam ding)